Հարթակում ծնողն է․ «Կենդանիներ»

Իրականացման օրը՝ 18․05․2020

ժամը՝ 14։00

Մասնակիցներ՝ Հյուսիսային դպրոցի 5-6 տարեկանների խմբի սովորողներ

Նախագծի նպատակը՝ Ընդհանուր պատկերացում կազմել կենդանական աշխարհի մասին

Խնդիրները՝

• Կենդանիներ հասկացությունը, նրանց առանձնահատկությունները։
•  Ներկայացնել և համեմատել կենդանիների տեսակներն ըստ իրենց կառուցվածքի, կենսակերպի՝ կաթնասուններ, թռչուններ, սողուններ, միջատներ, ձկներ։
• Առանձնացնել վայրի և ընտանի կենդանիներին։
•  Փորձել հասկանալ, թե ինչի՞ է մարդն ընտելացրել կենդանիներին։ Առաջին ընտանի կենդանին։
•  Պարզել կենդանիների կարևորագույն դերն ու նշանակությունը մարդու կյանքում․
• որոշ ընտանի կենդանիների օգտակարությունը։
•  Ծանոթանալ կենդանիների ձագերի անվանումներին։
•  Հետաքրքրություն առաջացնել կենդանական աշխարհի հանդեպ

Ընթացքը՝

Կենդանիների մասին նախնական տեղեկություններ տրվելուց հետո սովորողների հետ հարց ու պատասխանի միջոցով զարգացնում ենք մեր պատկերացումներն ու գիտելիքները կենդանիների մասին։

• Լուսանկարների միջոցով ներկայացվում են որոշ կենդանիներ, որոնցից սովորողները անվանում են իրենց արդեն ծանոթ կենդանիները, նշում են կենդանիներ /տվյալ տեսակի մեջ/, որոնք չկան լուսանկարներում, ներկայացնում են իրենց իմացածը տվյալ կենդանիների խմբի մասին, հետո արվում են լրացումներ, եթե կան։
• Նախագծի իրականացման ընթացքում ծանոթ հեքիաթներից կենդանիների կերպարներն ենք քննարկում կամ իրական կյանքում կենդանիների մասին ձևավորված իրենց իսկ պատկերացումներով բնութագրում, նկարագրում ենք որոշ կենդանիների, որից հետո յուրաքանչյուրը փորձում է իրեն որևէ կենդանու նմանեցնել։

Նյութեր՝

Համացանցից ներբեռնած լուսանկարներով PowerPoint ծրագրով հավաքված ուսումնական նյութ։

Նախագծի հողինակ՝

Անի Բարսեղյանի մայրիկ՝ Լուսինե Բարսեղյան։