Համբարձումը բարձունքին․համագործակցային նախագիծ

Գագարին նախագիծ․ կրթական փոխանակումներ, համագործակցային նախագիծ

Օրը՝  մայիսի 18

Մեկնումը՝ 9։30, վերադարձը՝ 16։00

Վայրը՝ Գեղարքունիքի մարզ, Ծաղկունք գյուղ

Մասնակիցներ՝  Հյուսիսային դպրոցի 2․1և 3․3 դասարանի սովորողներ և Ծաղկունք գյուղի միջնակարգ դպրոցի 2-3-րդ դասարանների սովորողներ, ծնողներ

Նախագծի պատասխանատուներ՝ Լիանա Ռոզիկյան, Սրբուհի ներսիսյան, Նարինե Պողոսյան, Ծաղկունքի դպրոցի 3-րդ դասարանի դասվար՝ Թագուհի Փիլոյան

Նախագծի նպատակներ և խնդիրներ՝

• ծանոթանալ ազգային ծեսերին ու տոներին, ծիսական խոհանոցին
• ազգային արժեքների տարածում
• գյուղի բնակիչների հետ միասին վերականգնել ծեսը
• ծանոթանալ գյուղի մշակույթի, պահպանված ծիսական երգերի հետ
• սովորողները իրենք կդառնան  ավանդույթների կորղն և փոխանցող ընտանիքի անդամներին
• հայրենաճանաչություն, մասնակցություն «Բարձունքի նվաճում» նախագծին

Նախագծի իրականացման փուլերը՝

• Նախապատրաստում՝ երգուսուցում, պարուսուցում,
• Ճամփորդություն
• Ամփոփում

Ծրագրում՝

• Կանգառ Դդմաշենի ավազահանքերի մոտ
• Այցելություն գ․Ծաղկունք
• Համբարձման ծեսի մեկնարկ․ տնից-տուն
• Բարձունքի հաղթահարում՝ Սուրբ Հովհաննես եկեղեցի
• Համբարձման ծիսական երգեր, խաղեր եկեղեցու բակում
• Տոնական ընդմիջում
• Միջավայրի խնամք
• Վերադարձ

Նախապատրաստական աշխատանք

• Տարբեր աղբյուրներից ուսումնասիրում ենք Համբարձման ծեսը.
• Սովորում են Համբարձման ծիսական, ծեսին համապատասխան երգեր, պարերգեր, պարեր,
• համացանցից գտնում և ունկնդրում են Համբարձման ծիսական երգեր («Ջա՜ն, ծաղիկ» , «Համբարձման անուշ գիշեր է» , «Ջա՜ն, ծաղիկ, ջա՜ն, ջա՜ն» և այլն),
• սովորում են պատրաստել Վիճակի տիկնիկ  ,
• սովորում են պսակ հյուսելու տարբերակներ,
• ծիսական տիկնիկ պատրաստելու համար նախապատրաստում են փարչ, տիկնիկին զարդարելու համար՝ զարդեր,
• որոշում են գործողությունների հաջորդականությունը, կազմում են նախնական սցենարը:

Արդյունքներ՝

Ծեսն իրականացնողը կիմանա

• ազգային ծեսերը,
• ազգային սովորույթները,
• ազգային ավանդական պարերը,
• հայկական ժողովրդական և ծիսական երգերը,
• ծիսական կերպարները,
• ծիսական պարագաները:

Սովորողը կկարողանա

• երգել հայկական ժողովրդական և ծիսական երգեր,
• պատրաստել ծիսական պարագաներ,
• խաղալ ժողովրդական, մանկական, ծիսական խաղեր,
• համացանցից, այլ աղբյուրներից ծեսին վերաբերվող նյութեր գտնել,
• ծեսին նոր կյանք տալ:

Արդյունքի ներկայացում

Նկարել, տեսագրել, գրի առնել աշխատանքի ընթացքը, բլոգներում, կրթահամալիրի ենթակայքերում ներկայացնել՝ ֆիլմի, ֆոտոպատումի, նկարագրության, այլ տեսքով: