Месяц: Декабрь 2022

Օրը՝  29.12.2022թ.
Վայրը՝ Ընտանիք, բակ, այգի…
Մասնակիցները՝ Հյուսիսային դպրոցի 5 տարեկաններ, ընտանիքի անդամներ
Պատասխանատու՝  Լիանա Ռոզիկյան
Նպատակը՝ Բանավոր խոսքի, մտքի, երևակայության զարգացում

Ընթացքը՝  Սովորողը ընտանիքում ծնողների հետ նկարահանում է ամանորյա երգեր և բարեմաղթանքներ։ Սկզբում ներկայանում է , ներկայացնում է , թե որ դպրոցում է սովորում, և ներկայացնում իր ընտանեկան բարեմաղթանքը կամ ամանորյա երգը։ Ընթացքը նկարահանում է ընտանիքի անդամներից որևէ մեկը, համապատասխան շտկումներ անելուց հետո, տեղադրում է YouTube-յան իր էջում և հղումն ուղարկում դասվարին կամ դասվարի օգնականին: 

Արդյունքները կհրապարակվեն դասարանական բլոգում։

«Դեկտեմբերիկ» ստուգատեսի և «Պատրաստվում ենք Կաղանդին» նախագծի շրջանակում Հյուսիսային դպրոցի 5 տարեկանները պատրաստեցին ծիսական «Ասիլ-Վասիլներ» և Տարեհաց։

Հյուսիսային դպրոցի բոլոր 5 տարեկանները հաջողակ էին, քանի որ բոլորի տիկնիկների չամիչներն ուռչել էին։ Իսկ ծիսական տարեհացի հաջողակ լոբին բաժին հասավ մեր Սարգիսին։

Հնում Ամանորին թխում էին Տարեհաց` ալյուրից, ընկույզից, չամիչից։ Տարեհացի մեջ դնում էին հացահատիկ կամ մետաղադրամ: Ամանորից հետո կտրում էին տան անդամների քանակին համապատասխան։ Մարզերի մեծ մասում այլ թխվածք էին պատրաստում, որն ուներ մարդու տեսք, կոչվում էր «Ասիլ Բասիլ» կամ «Վասիլ»: Ձեռքերի, աչքերի ու բերանի հատվածում դնում էին չամիչ կամ այլ հատիկեղեն : Եվ եթե հացը թխելու ժամանակ ուռում էր, լավ նշան էր։ Այն խորհրդանշում էր հաջող տարի, իսկ եթե չէր ուռում, ապա ոչ մի լավ բանի պետք չէր սպասել։ Ծիսական այս տիկնիկները թխվում էին միայն Ամանորի նախօրյակին`գալիք տարվան ուղղված գուշակություններ անելու նպատակով:

Հերթական «Դեկտեմբերիկ» ստուգատեսին 5 տարեկանները ներկայացնելով իրենց մեդիահմտությունները պատրաստեցին տոնական մեդիաբացիկներ։Ավելին՝ տեսանյութում

Օրը՝ 22․12․2022
Ժամը՝ 11։00
Վայրը՝ Հյուսիսային դպրոց-պարտեզ
Մասնակիցները՝ Հյուսիսային դպրոցի 5 տարեկաններ
Պատասխանատուներ՝ Լիանա Ռոզիկյան, Քրիստինե Գրիգորյան

Հնում Ամանորին թխում էին Տարեհաց` ալյուրից, ընկույզից, չամիչից։ Տարեհացի մեջ դնում էին հացահատիկ կամ մետաղադրամ: Ամանորից հետո կտրում էին տան անդամների քանակին համապատասխան։ Մարզերի մեծ մասում այլ թխվածք էին պատրաստում, որն ուներ մարդու տեսք, կոչվում էր «Ասիլ Բասիլ» կամ «Վասիլ»: Ձեռքերի, աչքերի ու բերանի հատվածում դնում էին չամիչ: Եվ եթե հացը թխելու ժամանակ չամիչն ուռում էր, լավ նշան էր։ Այն խորհրդանշում էր հաջող տարի, իսկ եթե չէր ուռում, ապա ոչ մի լավ բանի պետք չէր սպասել։ Ծիսական այս տիկնիկները թխվում էին միայն Ամանորի նախօրյակին`գալիք տարվան ուղղված գուշակություններ անելու նպատակով: Նաև թխում էին այլ հացեր՝ գուշակություններ անելու նպատակով, որոնցով ոչ միայն գուշակություններ էին անում, այլ նվիրում էին տոներին որպես նվեր:

Նպատակ՝ Ծիսական ասիլ-վասիլների պատրաստում