« Ողջույն, ես…» ուսումնական նախագիծ

Նախագծի մասնակիցներ` 5 տարեկաններ

Նպատակը`

Սովորողների ինքնաճանաչման միջոցով նպաստել միջավայրի ադապտացմանը (յուրացմանը), անհրաժեշտ փոխհարաբերությունների (սովորող-սովորողներ, սովորող-ուսուցիչ) հաստատմանը՝ զարգացնելով սովորողների ինքնուրույնությունն ու ինքնասպասարկման հմտությունները: Ինչպես նաև, սովորողների ընտանիքներին ներգրավելով ուսումնական աշխատանքներում՝ դարձնել կրթական ծրագրի պատասխանատու:

Խնդիրները`

• Բանավոր խոսքի զարգացում
• Ներկայանալու, ծանոթ մարդկանց ներկայացնելու ունակության ձևավորում
• Պատմելու, վերապատմելու ունակության զարգացում
• Ստեղծագործական երևակայության զարգացում
• Մաթեմատիակական հասկացությունների ձևավորում
• Մեդիատեխնոլոգիական հմտությունների ձևավորում
• Ինքնուրույնության դրսևորման զարգացում.
• Ինքնասպասարկման (անձնական հիգիենա) հմտություների զարգացում.

Լեզվագործունեություն`պատումներ, զրույց-քննարկումներ

• Կարելի է իրականացնել «Խոսողի աթոռ» նախագիծը: Սովորողները նստում են աթոռին, /կարելի է աթոռը ձևավորել/ և պատմում են իրենց մասին, իրենց նախասիրությունների, սիրելի մարդկանց, իրերի, ընտանիքի, ընկերների մասին…
• Ողջույն, ես եմ, իմ ընտանիքը, ում անունն է իմ անունը…
• Իմ սիրելի  խաղալիքը
• Իմ սիրած գույնը, տարվա եղանակը
• Ես նման եմ…

Մաթեմատիկական գործունեություն

Ես կարողանում եմ հաշվել, չափել, կշռել, համեմատել.

• Հաշվել 1-ից մինչև….(առաջ հաշիվ, հետ հաշիվ):
• Այսօր քանի՞ սովորող է կա խմբասենյակում, քանի՞ աղջիկ կա դասարանում, քանի՞ տղա: Համեմատել (շա՞տ է, թե՞ քիչ):
• Համեմատել երկու աղջիկների: Համեմատել երկու տղաների: Գտնել նմանություններն ու տարբերությունները:
• Հաշվել աթոռները, սեղանները, բակի ծառերը: Համեմատել:

• ընտանիքի անդամներին ըստ հասակի, ըստ տարիքի
• քանի ոտնաչափ, թիզ է իմ մահճակալը
• քանի մատնաչափ է իմ, մայրիկիս, տատիկիս, քույրիկիս մազերը
• հասակաչափով հասակներն ենք չափում

Բնագիտական գործունեություն

• Իմ մարմնի մասերը

Տեխնոլոգիա-մեդիատեխնոլոգիա–խոհանոցային գործունեություն

• Մրգային կերպարներ, աղցան
• ընտանիքի անդամներին ծեփել կավով

• Ծանոթացում paint նկարչական ծրագրի աշխատանքային գործիքներին,
• գուաշով նկարել օրվա տրամադրությունը

Նախագծի արդյունքում

Ստեղծվում են լուսանկարներով և paint ծրագրով նկարների ֆոտոշարեր, աուդիո և վիդեո նյութեր:

Սովորողները ներկայանում և պատմում են իրենց մասին

Տեխնոլոգիական աշխատանք՝ Իմ տունը

Կավագործություն՝ սովորողները քանդակում ե իրենց

Տեխնոլոգիական աշխատանք՝ պլաստիլինով ծեփում են իրենց